![](/static/articles/02/19/97/l-150fHL5Oa6.jpg)
«Հետ կապված» եւ այլ լեզուական նորելուկ եւ շինծու աճպարարութիւններ
Յովհաննէս Յարութիւնեան
Հայտնի չէ թէ ո՞րտեղից է հայտնուել «հետ կապված» բառակապակցութիւնը: Թէ ի՞նչու յօրինուեց, երբ հայերէնը արդէն ունի մի քանի համարժեք իմաստ յաղորդող բառեր, սա մի հարց է որ թերեւս պատասխան չունի:
Բոլորովին կարիքը չկայ նոր անիւ հնարելու: Ինչ-որ է...բերնեց-բերան, մի ականջից միւսը, տարածուեց հայաստանով մէկ:
Մամուլի էջերից մենչեւ Ազգաին Ժողովի պատգամաւորների շրթունքներին երեւացող եւ հնչեցվող այս անհիմն եւ հնարովի ձեւակերպումը, արդիոք կարե՞լի է համարել որպէս ճիշտ հայերէն… Ո՛չ, սա մի լեզուական ցուպ է նրանց համար որոնք խօսում եւ գրում են առանց մտածելու...
Պարագան նոյն է երբ կարդում ենք հետեւեալը: «Չեն տիրապետում այն բյուջեին, որը որ ներկայացրել են.» (Արծվիկ Մինասյան, ՀՅԴ պատգամաւոր)
Յարգելի պատգամաւոր: Ո՞րն է «որը որ»... «Չեն տիրապետում այն բյուջեին, որը ներկայացրել են»: Վերջակետ:
Գանք մեր վերջին աճպարարութեանը: Ի՞նչու են ասում «ինչի՞ համար» երբ ասողը պարզապէս պետք է ասի «ԻՆՉՈՒ»...սա մի հանելուկ եւս:
Ահաւասիկ մի քանի օրինակ՝
«Ժողովուրդ» (12. 12. 2012)
Ախալ: ԲՀԿ-ական գործարարները ՀՀ նախագահի աշխատակազմի ղեկավար Վիգեն Սարգսյանի մոտ եղած ցուցակի հերթականությամբ «կանչվում» են Բաղրամյան 26 եւ զգուշացվում, որ իրենց բիզնեսների հետ կապված կարող են խնդիրներ առաջանալ:
Ճիշտ: ...որ խնդիրներ կարող են առաջանալ իրենց բեզնիսներում
«Ժողովուրդ» (18.12.2012)
Սխալ: Վերելակի վթարի հետ կապված գործով մեղադրվող «Ռենշին» ընկերության տնօրենին կալանելու որոշումը մերժվել է:
Ճիշտ: Վերելակի վթարի գործում մեղադրվող......
Ազատության Ռատիո (26.11.2012)
Սխալ: Օրեր առաջ լուրն այն մասին, թե ձմռանն ընդառաջ Ռուսաստանից Հայաստան մեկնողների քանակի ավելացման հետ կապված թանկացել են «Արմավիայի»' Մոսկվա-Երեւան ուղղության ավիատոմսերը, հերքեց «Արմավիա» ավիաընկերության մամուլի քարտուղար Նանա Ավետիսովան:
Տուրիստական գործակալության ներկայացուցիչների հավաստմամբ' ձմեռային տուրերի հետ կապված տարբեր ավիաընկներություններ իրենց տոմսերի արժեքը չեն փոփոխում:
Ճիշտ: Օրեր առաջ այն լուրն թե... ավելացմանը զուգահեր.... տարբեր ավիաընկներություններ իրենց ձմեռային տուրերի տոմսերի արժեքը չեն փոփոխում
Ազատության Ռատիո: 06.11.2012
Սխալ: «Գազի գնի հետ կապված բանակցությունները դեռեւս շարունակվում են, եւ, բնականաբար, այս պահին ես նոր տեղեկատվություն չունեմ», - նշեց Պետրոսյանը։ (էներգետիկայի փոխնախարար Արա Պետրոսյան)
Ճիշտ: Բանակցությունները գազի գնի մասին/վերաբերյալ...
Հայաստանի Հանրային Ռատիո (21.12.2012)
Սխալ: «Բժշկական ծառայության հետ կապված զինակոչիկների և զինծառայողների մարդու իրավունքների խախտումների վիճակի մասին» զեկույցի շնորհանդեսի ժամանակ ասել է Հելսինկյան քաղաքացիական ասամբլեայի Վանաձորի գրասնեյակի ղեկավար Արուրթ Սաքունցը'
Ճիշտ: Բժշկական ծառայությանն առնչվող...
Հայաստանի Հանրային Ռատիո (19.12.2012)
Սխալ: «Ինքնաթիռով բեռնափոխադրումների հետ կապված մի շարք խնդիրներ առաջացան: Օրինակ' Հալեպ հասցված օգնությունը պատերազմական իրավիճակի պատճառով պարզապես անհնար է տեղափոխել Սիրիայի հայաշատ այլ բնակավայրեր: Դա մենք չէինք հաշվարկել: Այս հանգամանքը հաշվի առնելով՝ ներկայումս սիրիահայությանը օգություն ենք տրամադրում կանխիկ գումարի տեսքով,- ասում է դաշնակցական պատգամավոր Վահան Հովհաննիսյան
Ճիշտ: Մի շարք խնդիրբեր առաջացան ինկնաթիռով բեռնափոխադրումների վերաբերյալ...
Armenia Now (06.12.12)
Սխալ: Պուտինի այցը կայացավ բավական բարդ ժամանակահատվածում, երբ փաստորեն երկու երկրների միջև առկա են հանգուցային տարաձայնություններ՝ աշխարհաքաղաքական, ռազմաքաղաքական մի շարք զարգացումների հետ կապված:
Ճիշտ: ...մի շարք զարգացումների վերաբերյալ:
Armenia Now (05.12.12)
Սխալ: Նշենք, որ ՀԱԿ-ը երկար ժամանակ հանրահավաքներ չի անցկացրել' հայտարարելով, թե հաջորդ հանրահավաքը կանցկացվի այն ժամանակ, երբ առաջիկա նախագահական ընտրությունների հետ կապված ռազմավարությունը լիակատար պարզ կլինի:
Ճիշտ: ...երբ առաջիկա նախագահական ընտրությունների ռազմավարությունը լիակատար պարզ կլինի:
News.am: 14.12.2012
Սխալ: Սիրուշոն մեկնաբանում է իր նոր երգի հետ կապված մի շարք հարցեր
Ճիշտ: Սիրուշոն մեկնաբանում է իր նոր երգի վերաբերյալ մի շարք հարցեր
Առաջին լրատվական (www.1in.am): (13.12.2012)
Սխալ: «Նուբարաշեն»-ի դատապարտյալի բողոքի հետ կապված նշանակվել է ծառայողական քննություն
Ճիշտ: «Նուբարաշեն»-ի դատապարտյալի բողոքի վերաբերյալ/հիման վրա նշանակվել է ծառայողական քննություն
Առավոտ (22.12.2012)
Սխալ: ՌԱԿ-ն այսօր կհստակեցնի դիրքորոշումը նախագահական ընտրությունների հետ կապված
Ճիշտ: ՌԱԿ-ն այսօր կհստակեցնի դիրքորոշումյը նախագահի ընտրության մասին/վերաբերյալ
Հետք (13.12.2012)
Սխալ: Նորայրը, ով ևս տեսողության հետ կապված խնդիր ունի, համակարգչին տիրապետում է արդեն մոտ 10 տարի:
Ճիշտ: Նորայրը, ով եւս տեսողության խնդիր ունի....
ԵՐԿԻՐ.am (26.12.2012)
Սխալ: «Բլիզկոյի» հետ կապված ԿԲ պատճառաբանությունն այն է, որ այն խախտել է ԿԲ ուղեցույցներից մեկը' «Արտասահմանյան վճարահաշվարկային համակարգում մաuնակցության հետեւանքով Հայաստանի Հանրապետության ֆինանսական համակարգի կայունությունը եւ (կամ) իրացվելիությունը եւ (կամ) վճարունակությունը վտանգելու մասին»:
Ճիշտ: Բլեզկոյի մասին/նկատմամբ ԿԲ պատճառաբանությունն այն է.....
Մեկնաբանություններ (5)
Մեկնաբանել