![](/static/articles/02/20/39/l-YPgicWzMJ1.jpg)
«Չորրորդ ինքնիշխանություն». պետական գնումների համակարգում և շինարարության ոլորտում ստուգումներ են սկսվում
«ՉԻ» տեղեկություններով՝ այսօր՝ հունվարի 8-ին՝ 2013 թվականի աշխատանքային առաջին օրվա ընթացքում, ՀՀ Վերահսկիչ պալատը պալատի նախագահ Իշխան Զաքարյանի գլխավորությամբ անցկացնելու է խորհրդի նիստ, որի շրջանակներում հայտարարվելու է պալատի առաջիկա անելիքների մասին:
«ՉԻ» տեղեկություններով՝ պալատի պատմության մեջ առաջին անգամ կառույցը օպերատիվ ստուգումներ և վերահսկողություն է սահմանելու 2013 թվականի բյուջեի նկատմամբ: Սովորաբար պալատը սպասում էր, մինչև բյուջեն «կմսխեին», հետո մտնում և արձանագրում էր, թե որ գերատեսչությունը ինչ չարաշահումներ է արել: Հիմա կարգը փոխվել է, և պալատը ի սկզբանե վերահսկելու է, թե ինչպես է կատարվում բյուջեն:
Ի դեպ, այս տարի Վերահսկիչ պալատը թիրախավորել է երկու ոլորտ՝ պետական գնումների համակարգը և շինարարության ոլորտը:
Իշխան Զաքարյանն առաջարկել է խորհրդարանական խմբակցություններին համագործակցել պալատի հետ և ամեն խմբակցությունից ներկայացուցիչներ հրավիրել՝ մասնակցելու պալատի նիստերին և ստուգումներին:
ՀԱԿ-ից պալատի աշխատանքներին մասնակցելու է Գագիկ Ջհանգիրյանը, ՀՅԴ-ից՝ Արծվիկ Մինասյանը, «Ժառանգությունից»՝ Զարուհի Փոստանջյանը: ՕԵԿ-ը և ԲՀԿ-ն նույնպես համաձայնել են ներկայացուցիչներ «գործուղել» պալատ: Չի բացառվում, որ այսօրվա նիստին ԱԺ այս պատգամավոր-պատվիրակներից ևս մասնակիցներ լինեն:
Մեկնաբանել