«Պահանջում ենք գիտության ֆինանսավորման ավելացում» ֆեյսբուքյան նախաձեռնության էջում   ամփոփվեցին Հայաստանի երիտասարդական հիմնադրամի «Հայկյան» մրցանակ՝ «Լավագույն երիտասարդական գիտական նվաճում» անվանակարգում 2012 թ. մրցույթի արդյունքները։ 

Մրցույթն իրականացրել են Հայաստանի երիտասարդական հիմնադրամը և «Պահանջում ենք գիտության ֆինանսավորման ավելացում» ֆեյսբուքյան նախաձեռնությունը համատեղ։ Մրցույթին մասնակցում էին ազդեցության գործակից (impact factor) ունեցող և/կամ Scopus և Thomson Reuters (web of knowledge, web of science) շտեմարաններում հաշվառվող միջազգային պարբերականներում առավելագույն քանակով հոդվածներ ունեցող երիտասարդ գիտնականները։ 

Ներկայացված 74 հայտերից եզրափակիչ փուլ են անցել 3-ը, որոնցից մեկը կարժանանա «Հայկյան» մրցանակի.

1. Արմեն Դավթի Սարգսյան, ՀՀ ԳԱԱ ՖՀԻ - ներկայացրել է 12 հոդված, պայմաններին բավարարում են` 10, գումարային ԱԳ` 29,637 / ծանոթություն. 2 պարբերական ԱԳ չունեն

2. Վազգեն Վալերիկի Սարգսյան, ՀՀՄԿ, ԵՊՀ - ներկայացրել է 9 հոդված, պայմաններին բավարարում են` 9, գումարային ԱԳ` 25,914

3. Վահրամ Վաչագանի Ղազարյան, ՀՀ ԳԱԱ ՖԿՊԻ - ներկայացրել է 15 հոդված, պայմաններին բավարարում են՝ 9, գումարային ԱԳ՝ 13,656 / ծանոթություն. 6 հոդված թվագրված են 2013 թվականով (գումարային ԱԳ՝ 9,338) 

Հաշվառվել են միայն 2012 թվականի հունվարի 1-ից մինչ 2012 թ. դեկտեմբերի 31-ը տպագրված հոդվածները: Եզրափակիչ ցանկը որոշելիս հաշվի են առնվել նաև տպագրություննների ամսագրերի ազդեցության գործակիցները (գումարային)։

Կոլաբորացիաների շրջանակներում տպագրված հոդվածներ ներկայացրած հեղինակները կխրախուսվեն այլ կարգով: