Հունվարի 15-ին կյանքի 86-րդ տարում վախճանվել է հայ թատրոնի, կինոյի և էստրադայի նշանավոր վարպետ, ՀԽՍՀ ժողովրդական արտիստ Վլադիմիր Աբաջյանը:

Վլադիմիր Աբաջյանը ծնվել է 1927 թ. Շիրակի մարզի Շիրակ գյուղում: 1951 թ. ավարտել է Երևանի գեղարվեստաթատերական ինստիտուտի դերասանական բաժինն ու նույն թվականից աշխատանքի անցել Սունդուկյանի անվան ազգային ակադեմիական թատրոնում:

Վլադիմիր Աբաջյանը այս թատրոնում ստեղծել էր մոտ 50 նշանակալի դերատիպար, հանդես եկել կինոյում, հեռուստա- և ռադիոբեմադրություններում: Նա ազգային ասմունքի մեծագույն վարպետներից էր:

Հայաստանի թատերական գործիչների միությունը և Սունդուկյանի անվան ազգային ակադեմիական թատրոնը հայտնում են, որ Վլադիմիր Աբաջյանը 1998 թ. պարգևատրվել էր «Մովսես Խորենացի» մեդալով:

Իսկ մշակույթի նախարարությունը տեղեկացնում է, որ Վլադիմիր Աբաջյանի մահվան կապակցությամբ ՀՀ վարչապետի որոշմամբ կստեղծվի թաղման կառավարական հանձնաժողով:

Լուս.՝ nationaltheater.am-ից