Տեսանյութեր
Լուսանկարներ
«Չորրորդ ինքնիշխանություն». Վրաստանին էլ պարտվեցինք
Այս տարվա առաջին 4 ամիսների ընթացքում Վրաստանից Հայաստան ներդրվող ապրանքների ծավալն ավելացել է մոտ 32 տոկոսով, իսկ Հայաստանից Վրաստան արտահանումը նվազել է 7 տոկոսով:
«ՉԻ»- Վրաստանը երևի աշխարհի միակ երկիրն էր, որի հետ Հայաստանի առևտրային հաշվեկշիռը դրական էր, այսինքն` ավելի շատ արտահանում էինք, քան ներմուծում:
Հետո Տիգրան Սարգսյանը սկսեց ճառեր արտասանել տեղական արտադրանքի մրցունակության բարձրացման ու ներմուծումը կրճատելու անհրաժեշտության մասին, և, ինչպես միշտ, տեղի ունեցավ ճիշտ հակառակը, հիմա արդեն Վրաստանի հետ էլ է մեր առևտրային հաշվեկշիռը բացասական:
Ընդ որում` առաջիկայում այս տենդենցը ակնհայտորեն խորանալու է: Եվ խնդիրը միայն այն չէ, որ Հայաստանում ցիտրուսներ չեն աճում: Խնդիրն այն է, որ շատից-քչից նորմալ արտադրանք տվող բոլոր ձեռնարկությունները կամաց-կամաց Հայաստանից տեղափոխվում են Վրաստան:
Եվ չի բացառվում, որ մի քանի տարի անց Հայաստանը Վրաստանից «հայկական» ապրանքներ ներմուծի: Չնայած` եթե Տիգրան Սարգսյանին հարցնես, կասի «երկրից գործարանները դուրս բերելը նույնպես արտահանում է, իսկ մենք խթանում ենք արտահանումը»:
Մեկնաբանություններ (2)
Մեկնաբանել