2013-01-17 13:01:59

Կոչ գործարար սիրիահայերին. Հայաստանում ներդրումների մասին

Որևէ գործ ձեռնարկելուց առաջ չափազանց զգույշ լինել Հայաստանի իշխանավորների և նրանց ազգականների, այսպես կոչված` հովանավորչական ծառայությունների հանդեպ:

Ես Էդմոնդ Խուդյանն եմ, ծնվել եմ 1965-ին Թեհրանում, հայրենադարձվել եմ 1971-ին: Սովորել ու աշխատել եմ Խորհրդային Հայաստանում, իսկ 1989-ին ծնողներիս հետ տեղափոխվել եմ ԱՄՆ՝ մշտական բնակության, որտեղ հիմնել եմ հաստատուն և հաջողակ բիզնես:

Հայաստան վերադառնալու և որևէ գործ հիմնելու երազանքը ոչ մի վայրկյան չի լքել ինձ: 2004 թվականին նման պատեհություն ընձեռվեց ինձ. երկրում ազդեցություն ունեցող մարդկանց հորդորով որոշեցի մեծ ներդրումներով մուտք գործել այդ տարիներին Հայաստանում թափ հավաքող շինարարական գործի մեջ:

Տարիներ անց կանգնեցի իշխանության ամենավերին ատյանում կանգնած մարդկանց շրջապատի՝ խաբեբաների և հանցագործների կողմից կազմակերպված թալանի փաստի առջև: Իմ ներդրումները, շատ այլ սփյուռքահայերի ներդրումների նման, թալանվեցին և մսխվեցին՝ այդ գործում ներգրավելով պետական ամբողջ մեքենան:

Բայց, ի տարբերություն այլ սփյուռքահայ ներդրող գործարարների, ես ոչ միայն որոշեցի պայքարել ունեցվածքս ետ բերելու և մեղավորներին պատասխանատվության ենթարկելու համար, այլև շարունակում եմ հավատալ ու երազել Հայաստանում ներդրումներս բազմապատկելու մասին:

Սիրիահայ գործարար իմ հայրենակիցներին հորդորում եմ որևէ գործ ձեռնարկելուց առաջ չափազանց զգույշ լինել Հայաստանի իշխանավորների և նրանց ազգականների այսպես կոչված հովանավորչական ծառայությունների հանդեպ: Հիշե՛ք, Հայաստանում մեծ գործերը խիզախություն և անձնվեր համարձակություն են պահանջում, որոնք ոչ միայն չեն երաշխավորում ձեր գործի հաջողությունը, այլև կարող են ավարտվել ձեր սնանկացմամբ և ունեզրկմամբ:

Բայց այս ամենը երբեք չպետք է պատճառ դառնան, որ մենք դադարենք երազել հայրենիքի շենացման գործում մեր ներդրումն ու մասնակցությունն ունենալու մասին: Վստահ եմ, որ եթե ոչ Հայաստանում, ապա միջազգային դատական ատյաններում իրավական մեխանիզմներով վերականգնելու եմ իմ ներդրումներն ու իրավունքները Հայաստանում՝ դառնալով նախադեպ Հայաստանում ներդրումներ անել պատրաստվող սփյուռքահայ գործարարների համար:

Սփյուռքում և Հայաստանում իմ համախոհների և իմ կողմից հիմնադրված Սփյուռքահայ ներդրողների իրավունքների պաշտպանության հանձնախումբը պատրաստ եմ ի սպաս դնել իմ բոլոր սիրիահայ քույրերին և եղբայրներին, ովքեր իրավունքի տեսանկյունից դժվարությունների կհանդիպեն հայրենիքում:

Հայաստանում տիրող ամենաթողության և կաշառակերության պայմաններում մենք՝ սփյուռքահայերս, պետք է միասին լինենք, նեցուկ լինենք միմյանց, ոչ մի վայրկյան թույլ չտանք, որ մեր հայրենիքում Հայաստանի որևէ իշխանավոր և նրա բարեկամ տրորի Հայաստանում հաստատվելու և մեր երկիրը սեփական քրտինքով ու մասնակցությամբ շենացնելու երազանքը:

Էդմոնդ Խուդյան
ԱՄՆ

#Էդմոնդ Խուդյան

Մեկնաբանություններ (9)

Aram 2019-01-25 08:29:10

Jay, are you writing a novel about corruption in Hayastan? You must be a new comer to HETQ. By the ay I am not affiliated with anybody from HETQ.

hasmik 2019-01-25 08:29:10

պարոն Խուդյան, ես շատ ուրախ եմ ձեր պայքարի համար , ձեձ հաջողություն եմ ցանկանում, և ձեր հաջողությունը ինչ որ բան միգուցե կփոխի Հայաստանում, սակայն Հայաստանում այնքան խորն են խնդիրները, որ մինչ նրանց լուծումները չարժե որևէ ներդրման մասին խոսք լինել

Ani 2019-01-25 08:29:09

Hargeli Edmond, hrashali koch eq anum ev shaterin, anshusht, vogeschnchum. Sharunakeq Dzer payqary ev ayd canaparhin mets dzerqberumner uneceq' i npast mer hayrenisi u hasarakutyan!

Mher 2019-01-25 08:29:09

Perhaps Hetq should look into the known cases, like Khudyan's, where diaspora Armenian investors have been swindled and deceived by the authorities in Armenia. I know that in the past Hetq covered the Najarian case in depth. Any developments in that one?

koko 2019-01-25 08:29:09

I was troubled by the title but, when I read the article I was relieved when the writer stated “I still believe and dream about increasing my investments in Armenia.” We must strive to reform the system in Armenia. To do that we need to actively participate and to invest in Armenia and to stand up to those gangs.

Jay 2019-01-25 08:29:09

Mr. Khudyan, I understand,corruption is Armenia's public enemy number one. We hear it,read it,and unfortunate victims,such as yourself, step up to the podium and share their stories with us. I truly sympathize with you. You claim you 'found yourself facing top tribunal in Armenia, and all your investments were seized and pocketed by the entire state system'. Could you please, expand on this subject further? I mean give us more detailed examples such as, how much capital did you lose, and who were the 'vultures' who feasted on your bread and butter. Please, don't get me wrong, I'm not implying that you are misguiding the readers, but we need detailed, daited,and documented facts. Your story is not quite convincing and the readers are not naive and gullible as you may think they are.Thank you.

Hetq 2019-01-25 08:29:09

Jay...Right under the article there are links to some TEN stories dealing with Mr. Khudyan's case. Pay attention and look for the words - SEE ALSO.

Bagio 2019-01-25 08:29:09

Corrupt officials have to be identified and prosecuted, so that the international investors can trust the financial system in Armenia. It will be beneficial to the common public; jobs will be added and the life will get better. All is needed is trust that investors will not get hurt by the corrupt officials.

Jay 2019-01-25 08:29:09

I read a couple of articles related to this story, all the rest gave me a headache. Although,I don't comprehend why Mr. Khudyan, is not revealing the name of this so-called 'reputable person.' The story is not adding up. If HETQ, is an investigative journalist, as it claims, then do the right thing and INVESTIGATE. Starting with the President,interviews,questions and answers, and let the readers find out the truth.

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։

Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Բեռնվում է ...

Որոնման արդյունքում ոչինչ չի գտնվել

Կոչ գործարար սիրիահայերին. Հայաստանում ներդրումների մասին

Մեկնաբանություններ (9)

Մեկնաբանել