Փրկարարներն արգելափակումից դուրս են բերել մեքենաներ և տարհանել ուղևորներին
Հունվարի 17-ին, ժամը 22.58-ին ահազանգ է ստացվել, որ ձնաբքի պատճառով Գեղարքունիքի մարզի Վերին Գետաշեն-Մադինա միջհամայնքային ավտոճանապարհին արգելափակվել է մոտ 20 ավտոմեքենա. անհրաժեշտ է փրկարարների օգնությունը:
Դեպքի վայր մեկնած հրշեջ-փրկարարները տարհանել են արգելափակված ավտոմեքենաների ուղևորներին (մոտ 35 մարդ) և արգելափակումից դուրս բերել մեքենաները:
Այսօր` ժամը 03.43-ին ահազանգ է ստացվել, որ բքի և վատ տեսանելիության պատճառով ավտոմեքենաներ են արգելափակվել Տաշիր-Մեծավան ավտոճանա¬պարհին: Դեպքի վայր է մեկնել երկու մարտական հաշվարկ: Հրշեջ-փրկարարները Տաշիր քաղաք են տարհանել արգելափակված մեքենաների ուղևորներին (40 մարդ) և արգելափակումից դուրս բերել «ՎԱԶ» մակնիշի ավտոմեքենա 6 ուղևորով: Այս մասին հայտնում է ՀՀ ԱԻՆ-ն:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Տեսանյութեր
Լուսանկարներ
Մեկնաբանել