«Ժառանգություն» կուսակցության մամուլի խոսնակ Հովսեփ Խուրշուդյանը «Հետքին» տեղեկացրեց, որ հունվարի 21-ին` ժամը 12:00-ին, Արամ Խաչատրյանի արձանին հարող տարածքում կտրվի ՀՀ նախագահի թեկնածու Րաֆֆի Հովհաննիսյանի քարոզարշավի մեկնարկը:

Րաֆֆի Հովհաննիսյանն ունի երկու կարգախոս`«Հնարավոր է», ինչպես նաեւ` «Մեկ անգամ եւ միասին»:

Մամուլի խոսնակի ասելով` քարոզարշավի շրջանակներում Րաֆֆի Հովհաննիսյանը լինելու է նաեւ մարզերում: «Մարզերում բացի քարոզչական խմբերից, նաեւ Րաֆֆի Հովհաննիսյանն է անձամբ այցելելու եւ հանդիպումներ ունենալու ընտրողների հետ: Երբեմն էլ կմիանա քարոզչախմբերին»,-ասաց Հովսեփ Խուրշուդյանը: