HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

69 սիրիահայ ուսանող ուսման վարձի փոխհատուցում է ստանում «Հայաստան» հիմնադրամից

Սիրիահայության աջակցության ծրագրի շրջանակներում «Հայաստան» համահայկական հիմնադրամը շարունակում է սատարել դժվար կացության մեջ հայտնված մեր հայրենակիցներին:

Հիշեցնենք, որ 2012 թվականի օգոստոսին Հայաստանի Հանրապետության նախագահ, «Հայաստան» համահայկական հիմնադրամի հոգաբարձուների խորհրդի նախագահ Սերժ Սարգսյանի առաջարկով Հիմնադրամի հոգաբարձուների խորհրդի նախագահությունը որոշում էր կայացրել դրամային և արտարժութային բանկային հաշիվներ բացել սիրիահայությանն օժանդակելու նպատակով:

Հավաքագրված միջոցներով Հիմնադրամը ֆինանսավորել է Հալեպ-Երևան-Հալեպ չվերթները, ինչպես նաև իրականացրել ծրագրեր առողջապահական ու կրթական ոլորտներում, մասնավորապես ՀՀ սփյուռքի նախարարի առաջարկով Հիմնադրամը հոգացել է երկու սիրիահայի բարդ վիրահատությունների ծախսերը և շարունակում է հայաստանյան 14 ուսումնական հաստատություններում սովորող 69 ուսանողի ուսման տարեկան վարձի վճարումները: Հաստատությունների ցանկը ներկայացված է ստորև.

1. Հայաստանի պետական ճարտարագիտական համալսարան - 11 ուսանող

2. Երևանի պետական համալսարան - 16 ուսանող

3. Երևանի Մ.Հերացու անվ. պետական բժշկական համալսարան - 9 ուսանող

4. Երևանի Մ.Մաշտցի անվ. համալսարան - 1 ուսանող

5. Երևանի ճարտարապետության և շինարարության պետական համալսարան - 13 ուսանող

6. Հայաստանի պետական տնտեսագիտական համալսարան - 1 ուսանող

7. Երևանի Խ.Աբովյանի անվ.հայկական պետական մանկավարժական համալսարան - 2 ուսանող

8. Երևանի պետական հումանիտար քոլեջ - 1 ուսանող

9. Եվրոպական կրթական տարածաշրջանային ակադեմիա - 3 ուսանող

10. ԳԱԱ գիտական կենտրոն - 2 ուսանող

11. Գեղեցիկ արվեստների ազգային ակադեմիա - 2 ուսանող

12. «Հայաստանում ֆրանսիական համալսարան» հիմնադրամ - 1 ուսանող

13. Երևանի Կոմիտասի անվ. պետական կոնսերվատորիա - 6 ուսանող

14. Երևանի գեղարվեստի պետական ակադեմիա - 1 ուսանող

«Հայաստան» համահայկական հիմնադրամ

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter