Հունվարի 24-ին` ժամը 10.22-ին ահազանգ է ստացվել, որ Երևանի Աթենքի փողոցին հա­րա­կից սարալանջից (Հաղթանակ կամրջի մոտ) տեղի է ունեցել քարաթափում, ինչի հետևան­քով ավտոճանապարհի երթևեկությունը դարձել է միակողմանի:

Դեպքի վայր են մեկնել ՃԿԿ արձագանքման և հատուկ փրկարարական ջոկատի հերթապահ խմբերը: 

Փրկարարները ճանապարհի երթևեկելի հատվածից հեռացրել են քարերը:

ՀՀ ԱԻՆ-ն հայտնում է, որ դեպքի մասին տեղյակ են պահվել ԵՓՎ Կենտրոն համայնքային բաժինը և ճանապարհային ոստիկանությունը: