Հունվարի 20-ից 26-ն ընկած ժամանակահատվածում ղարաբաղաադրբեջանական հակամարտ զորքերի շփման գծում հակառակորդը հրադադարի պահպանման ռեժիմը խախտել է շուրջ 200 անգամ, որի ընթացքում տարբեր տրամաչափի հրաձգային զինատեսակներից հայ դիրքապահների ուղղությամբ արձակվել է ավելի քան 700 կրակոց:

Բացի հրադադարի պահպանման ռեժիմի խախտման դեպքերից՝ անցած շաբաթվա ընթացքում շփման գծի երկարությամբ թշնամու օդուժն իրականացրել է մի շարք ուսումնական թռիչքներ:

Պաշտպանության բանակի հակաօդային պաշտպանության ուժերը ժամանակին հավաստանշել են թռիչքային բոլոր թիրախները և շարունակ պահել խիստ վերահսկողության տակ:

Անցած շաբաթվա ընթացքում Արցախի օդային և ցամաքային սահմանների պաշտպանությունն իրականացվել է առանց միջադեպերի: