Հունվարի 29-ին ահազանգ է ստացվել, որ Երևանի Քոչարյան փողոցի թիվ 8 շենքին հարակից կիսակառույց սեփական տանը պոկվել է վերելակի ճոպանը, կա տուժած. անհրա­ժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ: Պարզվել է, որ ճոպանի պոկվելու հետևանքով 1988 թ. ծնված Ա. Նիկոլյանը գլորվել է տանը հարակից ձորակը:

Հրշեջ-փրկարարները պատգարակով ձորակից դուրս են բերել տուժածին: Վերջինիս շտապօգնության աշխատակիցները հոսպիտալացրել են «Սրբ. Գրիգոր Լուսավորիչ» բժշկական կենտրոն: