Հունիսի 20-ին ժամը 01.43-ին տեղեկատվություն է ստացվել, որ Արարատի մարզի Արտաշատ քա­ղա­քի Մխչան-Բյուրավան ավտո­ճա­­նապարհին ավտոմեքենա է այրվում: Դեպքի վայր է մեկնել մեկ մարտական հաշ­վարկ: Հրդեհը մեկուսացվել է ժամը 02.12-ին, մարվել` 02.34-ին:

Դեռևս չպարզված հանգամանքներում «ԳԱԶ-3110» մակնիշի 06 ՕՍ 153 պետհամարանիշով ավտոմեքենան բախվել է ճամփեզրի գազատար խողովակին և շրջվել:

Պատահարի հետևանքով ավտոմեքենան և վնասված գազատար խո­ղովակը բռնկվել են, ավտոմեքենան ամբողջությամբ այրվել է: Տարբեր աստիճանի այրվածքներով վա­րորդ, 1990թ. ծնված Հրանտ Աբգարյանը և ուղևոր, 1990թ. ծնված Անդրանիկ Փամբուկյանը, մինչ հրշեջ-փրկարարների կանչի վայր հասնելը, տեղի ուժերով հոս­պիտալացվել են Երևան քաղաքի Այրվածքների կենտրոն:

Բժիշկները տուժածների առողջա­կան վիճակը գնահատել են միջին ծանրության: «1-04» ծառայության աշխատակիցները դա­դարեց­ել են գազի արտահոսքը խողովակից: ՀՀ արտակարգ իրավիճակների նախարարության տեղեկացմամբ` կատարվում են վերանորոգման աշխատանքներ: