![](/static/articles/02/28/91/l-Dw1VhbV7dy.jpg)
«Չորրորդ ինքնիշխանություն». «Հայրենակիցներ» ծրագրում հերթերը մեծացել են
Ի հեճուկս այն խոսակցությունների, թե Ռուսաստանի կողմից Հայաստանում իրականացվող «Հայրենակիցներ» միգրացիոն ծրագիրը կասեցվելու է, այն շարունակվում է ու դեռ ավելի մեծ թափով: Երեկ «ՉԻ»-ն այցելել է Երեւանի Մանուշյան փողոցում գտնվող ՌԴ միգրացիոն ծառայության ներկայացուցչություն, որտեղ ՀՀ քաղաքացիներն իրենց տվյալներն են ներկայացնում նշված ծրագրից օգտվելու համար:
«ՉԻ» այցելության պահին ներկայացուցչության մուտքի մոտ մի քանի տղամարդ հերթ էին կանգնած: Նրանք սպասում էին, որ իրենց թույլ տան ներս մտնել ու ներկայացնել համապատասխան փաստաթղթերը: Գրասենյակի աշխատակիցները «ՉԻ» թղթակցին արգելել են ներս մտնել. ասել են, որ դա հնարավոր կլինի միայն այն դեպքում, երբ նախօրոք զանգահարեք եւ հերթագրվեք:
Հերթում կանգնածներից մեկը թերթի թղթակցին ասել է, որ եթե առաջ դիմողներին 2 ամիս հետո էին կանչում՝ հանդիպում նշանակում, հիմա արդեն հանդիպման նշանակմանը կարելի է սպասել միայն 3 ամիս անց, ինչը նշանակում է, որ գնալով մեկնողների թիվն ավելանում է:
Մեկնաբանել