«Չորրորդ ինքնիշխանություն». գոնե ֆիլմի փողը հանեին
Լրատվամիջոցները նոր մանրամասներ են հրապարակել Սյունիքի մարզի արոտավայրերը վարձակալությամբ Իրանի ադրբեջանցիներին տրամադրելու համաձայնագրի մասին: Ըստ դրանց` իրանական կողմին անհրաժեշտ է առնվազն 50 հազար հեկտար արոտավայր, հայկական կողմն էլ վարձակալության արժեք է սահմանել տարեկան 25 դոլարը` մեկ հեկտարի համար:
«ՉԻ»- Եթե որեւէ մեկը լավ չպատկերացրեց, թե որքան է այդ 50 հազար հեկտարը (500 քառակուսի կմ), պարզաբանենք, որ Մեղրիի շրջանի տարածքը մոտավորապես հենց այդքան է: Վարձակալության գումարն էլ, համապատասխանաբար, կազմելու է տարեկան 1,2 մլն դոլար (համեմատության համար նշենք, որ Քաջարանի կոմբինատի տնօրենի տարեկան աշխատավարձը, որոշ տեղեկությունների համաձայն, 1,4 մլն դոլար է): Մի խոսքով, Հայաստանի հանրապետական իշխանությունները Նժդեհի ազատագրած Սյունիքի մի ամբողջ շրջան վարձակալությամբ հանձնում են Իրանի Արեւելյան Ադրբեջան նահանգին` նորմալ կազինոյի տարեկան շահույթի չափ գումարի դիմաց: Մնում է հուսալ, որ համաձայնագիրը ստորագրած պաշտոնյան ստորագրելուց հետո չի ասել . «Յա Գարեգին Նժդեհ»:
Մեկնաբանություններ (1)
Մեկնաբանել