![](/static/articles/02/30/01/l-BN1ssZv5sG.jpg)
«Հայկական ժամանակ». չի՞ դիմելու
Այսօր՝ կեսօրին, կհրապարակվի ՀՀ նախագահի թեկնածու Պարույր Հայրիկյանի որոշումը՝ դիմելո՞ւ է նա Սահմանադրական դատարան, ընտրությունները 2 շաբաթով հետաձգելու համար, թե՞ ոչ: Այս մասին երեկ լրագրողներին հայտնել է Հայրիկյանը:
Նա ասել է, թե այժմ իր թիմը հետազոտություն է անցկացնում՝ պարզելու՝ իր դեմ կատարված մահափորձն ազդե՞լ է գործընթացների վրա, թե՞ ոչ, և որ իր դիրքորոշումը կախված է այդ հետազոտության արդյունքներից:
Արդեն երեկոյան, երբ «ՀԺ» թղթակիցը հետաքրքրվել է, թե ինչպիսին են հետազոտության արդյունքները, և ինչ եզրակացության հանգեց Հայրիկյանը, վերջինս չի ցանկացել նշել: «Վաղը կասենք, հիմա ոչինչ չեմ կարող ասել»,- ասել է նախագահի թեկնածուն:
Հանրապետական կուսակցության ներկայացուցիչները, սակայն, ինչպես նաև առանձին քաղաքական գործիչներ երեկ «ՀԺ» թղթակցի հետ զրույցներում վստահություն են հայտնել, թե ընտրություններն, այդուամենայնիվ, չեն հետաձգվի:
ՀՀ նախագահի մեկ այլ թեկնածու՝ էպոսագետ Վարդան Սեդրակյանն էլ «ՀԺ» թղթակցին հայտնել է, որ եթե Հայրիկյանը չդիմի ՍԴ, ապա ինքն է դիմելու:
Մեկնաբանություններ (1)
Մեկնաբանել