![](/static/articles/02/30/36/l-OAKo47CRmJ.jpg)
Վրաստանի հայկական դպրոցներում նախատեսվում է ներդնել ուսուցման բազմալեզու մոդել
Վրաստանի հայկական դպրոցներում նախատեսվում է ներդնել ուսուցման բազմալեզու մոդելը, որը փորձնական փուլ է անցնում շուրջ 40 դպրոցում: Այս մասին ասել է Վրաստանի կրթության և գիտության նախարարի տեղակալ Ալուդա Գոգլիչիձեն այսօր՝ ՀՀ կրթության և գիտության նախարարությունում փոխնախարար Մանուկ Մկրտչյանի հետ աշխատանքային հանդիպման ժամանակ:
Կողմերն անդրադարձել են Վրաստանում հայկական դպրոցների գործունեությանն առնչվող մի շարք խնդիրների, այդ թվում Հայաստանում կազմակերպվող համահայկական դպրոցական օլիմպիադաներին վրացահայ երեխաների մասնակցության հնարավորությանը:
Հաշվի առնելով այն հանգամանքը, որ 2011 թ. առաջին օլիմպիադան տեղի է ունեցել Երևանում՝ Ալուդա Գոգլիչիձեն առաջարկել է երկրորդն անցկացնել Վրաստանում:
Կողմերը քննարկել են հայ-վրացական համատեղ կրթական ծրագրերը, մասնավորապես անդրադարձ է եղել «ֆիզիկա», «մաթեմատիկա», «ինֆորմատիկա» առարկաներից երկրորդ համատեղ օլիմպիադայի կազմակերպմանը:
Մեկնաբանել