ՀՀ նախագահի թեկնածու Արման Մելիքյանի թիմը մտածում է դիմել Սահմանադրական դատարան և նախագահական ընտրությունները հետաձգել երկու շաբաթով: Խնդիրը այն է, որ նախագահի թեկնածուն ստիպված է լինում իր քարոզարշավային ժամանակից տրամադրել դատախազության քննիչներին, որոնք զբաղվում են ընտրախախտումների հարցերով:

Նախագահի թեկնածուն դեմ չէ, որ դատախազությունն ուշադրություն է դարձնում այդ հարցերին, սակայն տարօրինակ է համարում այն փաստը, որ իր իսկ բարձրաձայնած հարցերը խեղաթյուրված են ներկայացնում:

Ա.Մելիքյանը ասաց որ, անկախ ամեն ինչից, նա չի ափսոսում այն գումարների համար, որ ներդրվել են նախագահական քարոզարշավին մասնակցելու համար:

Նախագահի թեկնածուն նաև նշեց որ այսօր մրցապայքարի մեջ են գտվում Սերժ Սարգսյանն ու Րաֆֆի Հովհաննսիյանը և հավելեց, որ եթե ընտրությունները  չկեղծվեն, մեծ է նաև հավանականությունը, որ ինքը կհավաքի առավել շատ ձայներ:

Այսօրվա մամուլի ասուլիսին Արման Մելիքյանը նաեւ ասաց, որ չի պատրաստվում դիմել Արամ Հարությունյանի օրինակին եւ ինքնաբացարկ հայտնել:

Կիմա Խաչատրյան