Տեսանյութեր
Լուսանկարներ
Ա.Ղուկասյան. «Պետությունը բոլոր քաղաքացիների առողջության համար չի հոգում»
Իր առողջական վիճակի մասին «Հետքի» հարցին նախագահի թեկնածու Անդրիաս Ղուկասյանը տվեց այսպիսի պատասխան
«Իմ առողջական վիճակի մասին տեղեկություններ թող իշխանությունները տարածեն: Քանի որ իրենք առաքելություն վերցրին իրենց վրա. պետությունը պաշտոնապես հայտարարեց, որ շուրջօրյա հերթապահություն է իրականացնելու ինձ մոտ: Հետևապես, իմ առողջական վիճակի մասին տեղեկություններ կարելի է ստանալ բուժհաստատություններից, շտապօգնությունից կամ առողջապահության նախարարությունից:
Չնայած՝ սրանք ևս ֆիկտիվ ժողովրդավարության ֆիկտիվ դրսևորումներ են: Առհասարակ, պետությունն ունի պոզիտիվ պարտավորություններ՝ պահպանելու քաղաքացիների առողջությունը: Ընտրությունների ժամանակ նախագահի թեկնածուի առողջությունը, բնականաբար, նշանակություն ունի: Սակայն առկա է սելեկտիվ՝ ընտրողական մոտեցում, որովհետև գիտենք, որ պետությունը հետևողական չէ այդ սկզբունքին, և բոլոր քաղաքացիների առողջության համար չէ, որ հոգում է: Վառ օրինակ. էստեղից 200 մետր վերև՝ Բաղրամյան 26-ի դիմաց, բողոքում է մեկ այլ քաղաքացի, և նրա առողջությունը պետությանը բացարձակ չի հետաքրքրում»:
Մեկնաբանել