2013թ. փետրվարի 11-ին կայացել է «Նիգ-Ապարան» հայրենակցական միության նախագահության ընդլայնված նիստ' Հայաստանի Հանրապետության առաջիկա նախագահական ընտրությունների վերաբերյալ դիրքորոշում արտահայտելու օրակարգով:

«Նիգ-Ապարան» հայրենակցական միությունը, հավատարիմ կազմակերպության կանոնադրական նպատակներին ու սկզբունքներին, կողմնորոշելու համար իր բազմահազար անդամներին, աջակիցներին, համակիրներին, միաձայն որոշեց պաշտպանել Հայաստանի Հանրապետության գործող նախագահ Սերժ Սարգսյանի թեկնածությունը:

Նախագահության ընդլայնված նիստին մասնակցում էին Ազգային ժողովի պատգամավորներ, տեղական ինքնակառավարման մարմինների ղեկավարներ, հայրենակցական միությունների ներկայացուցիչներ:

Նիստը նախագահում էին «Նիգ-Ապարան» հայրենակցական միության նախագահ Սամվել Ալեքսանյանը և պատվավոր նախագահ Վրեժ Մարկոսյանը:

«Նիգ-Ապարան» ՀԲՀԿ