Այսօր Ճապոնական հիմնադրամի հովանավորությամբ Հայաստանի պատմության թանգարանում մեկնարկել է գործվածքի վերականգնմանը նվիրված սեմինարը: Հայաստանի և Ճապոնիայի միջև դիվանա­գիտական հարաբերությունների հաստատման 20-ամյա հոբելյանի շրջանակում անցկացվող սեմինարը շարունակվելու է մինչև փետրվարի 22-ը:

Սեմինարի շրջանակում ներկայացվելու է ճապոնական ավանդական ներկման «շիբորիձոմե» մեթոդը: Դոկտոր Միե Իշի անցկացնելու է գործնական աշխատանքներ և վարպետության դասեր:

Սեմինարը և Միե Իշիի վարպետության դասերը նպատակ ունեն մշակու­թային արժեքների պահպանման բնագավառում ամրապնդել Ճապոնիայի և Հայաստանի միջև կապերը և նպաստել Հայաստանում գործվածքի պահպանման գործընթացի հետագա զարգացմանն ու ամրապնդմանը:

Այս սեմինարը շարունկությունն է 2011 թ. հունիսին Երևանում ստորագրված «ՀՀ մշակույթի նախարարության և Տոկիոյի մշակութային արժեքների ազգային հետազոտության ինստիտուտի միջև Հայաստանի մշակութային ժառանգության պահպանության վերաբերյալ» համաձայնագրի և «Տոկիոյի մշակութային արժեքների ազգային հետազոտության ինստիտուտի և Հայաստանի պատմու­թյան թանգարանի միջև Հայաստանի պատմության թանգարանի հնագիտական մետաղյա առարկաների պահպանության և ուսումնասիրման նպատակով համագործակցության» փոխըմբռնման հուշագրի:

Դրա շրջանակում արդեն անցկացվել են «Հայաստանի պատմության թանգարանի հնագիտական բրոնզե առարկաների վերականգնման» թեմայով 4 սեմինար և 3 միջազգային գիտաժողով: