Երեւանի ավագանու անդամները միաձայն կողմ քվեարկությամբ հավանություն են տվել ՀՀ կառավարության պահուստային ֆոնդից հատկացված 2 մլն դրամը «16-րդ թաղամասի բազմաբնակարան շենքերի գազիֆիկացման աշխատանքներին աջակցություն» ծրագրով «Երեւան» հիմնադրամին հատկացնելու մասին որոշմանը: 

Հիշեցնենք, որ դեռեւս խորհրդարանական ընտրություններից առաջ վարչապետ Տիգրան Սարգսյանը մեծ շքախմբով այցելել էր 16-րդ թաղամաս եւ բնակիչներին խոստացել, որ նրանց բնակարանները շուտով կգազաֆիկացվեն, սակայն, ինչպես հետո պարզվեց, այդ «գործը» իրշանությունները պահեցին ավելի կարեւոր իրադարձության համար՝ նախագահական ընտրություններում իրենց թեկնածուի օգտին դիվիդենտներ շահելու նպատակով:

Այս օրերին 16-րդ թաղամասի բազմաբնակարան շենքերում աշխատանքային եռուզեռ է, իսկ բնակիչներին այդ աշխատանքները փորձում են ներկայացնել իբրեւ Սերժ Սարգսյանի բարի կամքի դրսեւորում։

Ի դեպ, ավագանու նիստում կրկին մի քանի համայնքային նշանակության բնակարարններ օտարվեցին։ Բնակարանները հիմնականում տրվում են բազմանդամ ընտանիքներին, որտեղ ընտրողներն ավելի մեծ քանակ են կազմում։