Երեկ` ժամը 20.20-ին, ահազանգ է ստացվել այն մասին, որ Սևանա լճից՝ Շորժա գյուղի լողափնյա հատվածում, տեղի ուժերով դուրս է բերվել քաղաքացի, և անհրաժեշտ է բժշկական օգնություն:

Տեղում պարզվել է, որ  Երևան քաղաքի բնակիչ 1959 թ. ծնված Արմենակ Ավագյանը ջրում լողալիս ստացել է սրտի կաթված և մահացել է մինչ բժիշկների ժամանումը:

Նույն օրը տեղեկատվություն է ստացվել, որ ժամը 12.10-ի սահմաններում օձի խայթոցից թունավորումով Արագածոտնի մարզի  Թալին քաղաքի հիվանդանոց է հոսպիտալացվել է Շիրակի մարզի  Ձորակապ գյուղի բնակիչ 1976 թ. ծնված Ալեքսան Ներսիսյանը:

Տուժածի առողջական վիճակը բժիշկների կողմից գնահատվել է բավարար: