Սոցիոլոգ Գևորգ Պողոսյանի հրապարակած տվյալների համաձայն, իրենց անցկացրած ուսումնասիրությունները ցույց են տվել, որ երևանցիների 15,5 տոկոսն արդեն որոշում է կայացրել հեռանալ Հայաստանից, ևս 32,5 տոկոսն էլ պատրաստ է հեռանալ առաջին իսկ հնարավորության դեպքում:

«ՉԻ» - Սրանք իսկապես զարմանալի թվեր են: Զարմանալի է, որ չնայած իշխանությունների հետևողական ջանքերին և Երևանի քաղաքապետի բուռն գործունեությանը, երևանցիների 52 տոկոսը չի պատրաստվում լքել Հայաստանը:

Եվ այնուամենայնիվ` պետք է խոստովանել, որ Երևանի քաղաքապետը որոշակի հաջողությունների հասել է: Եթե հիշում եք, նա իր հիմնական խնդիրը համարում էր Երևանի «բեռնաթափումն» ու խցանումների վերացումը, և փաստորեն լուրջ արդյունքների է հասել: Եթե երևանցիների 48 տոկոսը (530 հազար մարդ) հեռանա երկրից, Երևանը կդառնա «կուկլա» քաղաք:

Պարզապես պետք է այդ մարդկանց համար հնարավորություններ ստեղծել, այսինքն` մետրոյի ողեվարձը թանկացնելուն զուգահեռ նաև ավիատոմսերն էժանացնել: Կարծում ենք` Նարեկ Սարգսյանն էլ դեմ չի լինի: Ըստ Թամամյանի նախագծի` Երևանի բնակչությունը պիտի 300 հազար լիներ: