Եթե ՀՀ նախագահ Սերժ Սարգսյանը չհամաձայնի երկրում արտահերթ ընտրություններ անցկացնել, ՀԱԿ-ն ունի՞ այն ռեսուրսը, որ իր ակնկալիքը պարտադրի իշխանությանը: «Ես կարծում եմ` ոչ թե ՀԱԿ-ն է պարտադրելու, այլ` ժողովուրդը, և Ս. Սարգսյանն այդ ժամանակ ինքն է խնդրելու, որ ժողովրդի հետ երկխոսություն տեղի ունենա, և որ այդ հարցում ՀԱԿ-ը միջնորդի դեր ստանձնի:

Բայց այդ ժամանակ Ս. Սարգսյանը, դժբախտաբար, ժամանակը կորցրած կլինի: Նա պետք է գիտակցի, որ մենք բացել ենք երկխոսության դուռը ու սպասում ենք, որ ձևավորվի պատվիրակություն, և լինի ոչ թե հրապարակային` վիրտուալ երկխոսություն, այլ բուն գործընթացի` արտահերթ ընտրությունների վերաբերյալ: Կարծում եմ` դա շատ իրատեսական է»,- թերթի հետ զրույցում հայտարարել է ՍԴՀԿ ատենապետ Լյուդմիլա Սարգսյանը: