Տեսանյութեր
Լուսանկարներ
«Հաղթանակ» զբոսայգում հարգանքի տուրք են մատուցել հայրենիքի պաշտպանին
Հայրենիքի պաշտպանի օրվա կապակցությամբ փետրվարի 23-ին «Հաղթանակ» զբոսայգի են այցելել ՀՀ պաշտպանության նախարար Սեյրան Օհանյանը, ՀՀ ԶՈւ ԳՇ պետ, գեներալ-գնդապետ Յուրի Խաչատուրովը, ՀՀ-ում Ռուսաստանի արտակարգ և լիազոր դեսպան Վյաչեսլավ Կովալենկոն, ՀՀ և Ռուսաստանի զինված ուժերի բարձրաստիճան սպաներ և զինծառայողներ, դիվանագիտական առաքելությունների ներկայացուցիչներ:
Ներկաները ծաղկեպսակներ ու ծաղիկներ են դրել անհայտ զինվորի հուշաքարին՝ հարգանքի տուրք մատուցելով հայրենիքի պաշտպանության համար զոհվածների հիշատակին: Միջոցառումն ավարտվել է հայ և ռուս զինծառայողների հանդիսավոր քայլերթով:
Փետրվարի 23-ը Ռուսաստանում նշվում է որպես հայրենիքի պաշտպանի օր: Ինչպես ԱՊՀ մի շարք երկրներում, այնպես էլ Հայաստանում, ձևավորված ավանդույթի համաձայն, այդ օրը կազմակերպվում են միջոցառումներ՝ նվիրված հայրենիքի պաշտպանի օրվան: Այս մասին հայտնում է ՀՀ ՊՆ տեղեկատվության և հասարակայնության հետ կապերի վարչությունը:
Մեկնաբանել