ԱԺ նախագահ Հովիկ Աբրահամյանը լրագրողների հետ զրույցում նշեց, որ օրեր առաջ Երեւանի նախկին քաղաքապետ Կարեն Կարապետյանի հետ հանդիպում է ունեցել, սակայն  ասաց, որ քաղաքական հարցեր չեն քննարկվել:

ԱԺ նախագահի ասելով` ինքը  «շատ ջերմ» հարաբերություններ ունի նախկին քաղաքապետի հետ, սակայն թե ինչ են քննարկել «ջերմ» մթնոլորտում, Հովիկ Աբրահամյանը չմանրամասնեց:

Նշենք, որ տեւական ժամանակ է՝ խոսվում է Կարեն Կարապետյանին վարչապետի պաշտոնում նշանակելու մասին, եւ ԱԺ նախագահի ու Կարեն Կարապետյանի հանդիպումը ամենեւին էլ պատահականություն չէ:

Թեեւ Հովիկ Աբրահամյանն ասաց, որ կառավարությունում փոփոխություններ են լինելու, սակայն նշեց, որ վարչապետի փոփոխությունը պարտադիր չէ: