Մարտի 3-ին տեղեկատվություն է ստացվել, որ Հրազդան քաղաքի Միկրո թաղամասի թիվ 215 շենքի բնակիչը, գտնվելով անսթափ վիճակում, սպառնում է պատշգամբից ցած նետվել:

Դեպքի վայր է մեկնել մարզային փրկարարական վարչության փրկարար ջոկատը: Պարզվել է, որ քաղաքացին ցանկանում է նետվել 5 հարկանի շենքի 3-րդ հարկի պատշգամբից:

Ոստիկանների և փրկարարների համատեղ ձեռնարկած միջոցառումների արդյունքում կանխվել է 1957 թ. ծնված Սերժիկ Էդմոնդցի ինքնասպանության փորձը: