Մարտի 1-ից միկրոավտոբուսային երեք երթուղի փոխարինվել է ներկրված 36 ավտոբուսով: Մասնավոր ընկերությունները ներկրել են ևս 80 նոր ավտոբուս, որոնք առաջիկայում կշահագործվեն համապատասխան երթուղիներում:

Առավոտյան և երեկոյան ժամերին քաղաքացիների համար ավելորդ անհարմարություններ չստեղծելու և պատշաճ սպասարկում իրականացնելու նպատակով քաղաքապետ Տարոն Մարգարյանը հանձնարարել է գույքագրել հասարակական տրանսպորտի երթուղիներում առկա մեքենաքանակը և անհրաժեշտության դեպքում լրացնել այն: Այս մասին հայտնում է Երևանի քաղաքապետարանի տեղեկատվության և հասարակայնության հետ կապերի վարչությունը: