![](/static/articles/02/41/54/l-VXyKzfXffW.jpg)
«Հրապարակ». Տեր-Պետրոսյանը մերժել է Րաֆֆու առաջարկը
Թերթի տեղեկություններով՝ Րաֆֆի Հովհաննիսյանը հանդիպման առաջարկ է արել թե Գագիկ Ծառուկյանին, թե Լեւոն Տեր-Պետրոսյանին, սակայն, ի տարբերություն Ծառուկյանի, Տեր-Պետրոսյանը մերժել է հանդիպման առաջարկը: Ի՞նչ պատճառաբանությամբ. թերթը փորձել է պարզել «Ժառանգության» մամլո խոսնակ Հովսեփ Խուրշուդյանից: Վերջինս ասել է, որ ինքը «տեղյակ չէ եւ առաջին անգամ է լսում այդ մասին»: Ինչ վերաբերում է Սերժ Սարգսյան-Րաֆֆի Հովհաննիսյան նոր հանդիպմանը, ապա Խուրշուդյանն ասել է, թե բացի նրանից, որ իրենք երեկ Սերժ Սարգսյանին հրավիրել էին գալ Ազատության հրապարակ, հանդիպման այլ հեռանկար այս պահին չկա:
Այդուհանդերձ, թերթի իշխանական աղբյուրները պնդում են, որ եւս մեկ հանդիպում Սերժ Սարգսյանի եւ Րաֆֆի Հովհաննիսյանի միջեւ տեղի կունենա, սակայն արդեն ՍԴ-ում Հովհաննիսյանի հայցի քննությունից եւ որոշումից հետո: Քննարկումն ըստ ամենայնի կվերաբերի նաեւ օրերս խորհրդարանում կիսատ մնացած ընդդիմադիր ընդհանուր օրակարգին՝ «Ժառանգության» եւՀՅԴ-ի արած երեք առաջարկություններին:
Մեկնաբանել