Պարոն Սերժ Սարգսյան, Դուք նշում եք, որ Ուգո Չավեսը մշտապես հավատարիմ մնաց Վենեսուելայի յուրաքանչյուր բնակչի համար բարեկեցիկ ու արժանավայել կյանքի պայմաններ ապահովելու համար: Թույլ տվեք ի լուր համայն աշխարհի ասել, որ Դուք ամեն ինչ արեցիք, որ իմ ընտանիքը սովի մատնվի: Ես բազում նամակներ գրեցի Ձեզ, իբրև երկրի նախագահի և հայտնեցի, որ Կոտայքի մարզպետ Կովալենկո Շահգալդյանը խաբում է Ձեզ, կեղծ գրություն է գրում, սուտ տեղեկություն է տալիս իմ մասին, բայց Դուք բանի տեղ չդրիք, արդյունքում երկու բարձրագույն ավարտած մասնագետներ դուրս մնացին դպրոցից, նրանց փոխարեն աշխատանքի ընդունվեցին ոչ մասնագետներ: Այսպիսի տարբերություն կա Ձեր և Ուգո Չավեսի միջև: Նա իր քաղաքացուն փայփայում է, իսկ Դուք սովամահ եք անում, պարզապես ընտանիք եք կործանում: Իմ ընտանիքի նկատմամբ Ձեր վերաբերմունքի մասին տեղյակ են հազարավոր մարդիկ, այդ մասին գրվել են տասնյակ հոդվածներ` տարբեր լեզուներով: Ուրեմն ցավակցական խոսքեր գրելուց առաջ մի պահ մտածեք` իսկ ինչ եք անում Դուք քաղաքացուն պաշտպանելու համար: Աստված Ձեզ դատավոր, իմ դպրոցահասակ երեք տղաների ամեն մի տանջանքի համար Աստված վրեժ է լուծելու: Երանի թե մի քիչ նմանվեիք Ուգո Չավեսին, որ Ձեր մասին էլ լավ բան գրեին, պարոն Սերժ Սարգսյան: