«Հայփոստ Թրաստ Մենեջմենթ» ԲՎ-ն հայտարարում է Հայփոստի նորացված 50 բաժանմունքների վերաբացման «Հայփոստ-Մարաթոն-2011» ծրագրի մեկնարկի մասին. մինչեւ տարեվերջ կվերաբացվեն 12 նորացված բաժանմունքներ Երեւանում, 38-ը՝ մարզերում:

Ծրագիրը նախատեսում է բաժանմունքների նորացում թե արտաքին տեսքի, թե տեխնիկական վերազինման, թե ժամանակակից ենթակառույցների ներդրման առումով, որոնք կապահովեն նոր միջավայր  հաճախորդների եւ աշխատակիցների համար:

Բոլոր նորացված բաժանմունքներում ավանդական եւ ոչ ավանդական փոստային ծառայություններից բացի, կտրամադրեն ֆինանսական եւ կոմերցիոն բազմաբնույթ ծառայություններ: Հաճախորդներին կառաջարկվեն նաեւ ինտերնետային կապ, պատճենահանում, տպագրություն և ֆաքսիմիլային կապ: 

Ծրագիրը կարեւոր է հատկապես այն առումով, որ բոլոր վերաբացվող բաժանմունքներում կմատուցվեն նույն բարձրորակ ծառայությունները:

Ստորեւ ներկայացնում ենք «Հայփոստ-Մարաթոն-2011» ծրագրում ընդգրկված բաժանմունքների թիվն ըստ մարզերի.

Երեւան -12

Արագածոտնի մարզ- 2

Արարատի մարզ - 4

Արմավիրի մարզ - 1

Գեղարքունիքի մարզ - 4

Լոռու մարզ - 5

Կոտայքի մարզ - 7

Շիրակի մարզ - 2

Սյունիքի մարզ - 6

Տավուշի մարզ - 3

Վայոց Ձորի մարզ - 4

«Հայփոստ Թրասթ Մենեջմենթը» մտադիր է Հայաստանի Հանրապետությունում զարգացնել փոստային ծառայությունները, ներդնել ավելի ժամանակակից սուրհանդակային և ֆինանսական ծառայություններ` «Հայփոստը»  դարձնելով ազգային առաջատար փոստային օպերատոր տարածաշրջանում:     

«Հայփոստ Թրաստ Մենեջմենթ» ԲՎ

«Հայփոստ» ՓԲԸ