«Օրենքով գող» Գեւորգ Մելիքյանին, ով քրեական աշխարհում հայտնի է «Օշականցի Գեւորիկ» մականունով, այսօր ոստիկանության Կազմակերպված հանցավորության դեմ պայքարի գլխավոր վարչության (6-րդ վարչություն) աշխատակիցներն ուղեկցել են Կենտրոնի դատարան:

Ինչպես հայտնում է ֆոտոլրագրող Գագիկ Շամշյանը, դռնփակ նիստում դատավոր Մխիթար Պապոյանը որոշել է «օրենքով գողի» նկատմաբ, որպես խափանման միջոց, կիրառել երկամսյա կալանավորումը:

Գեւորգ Մելիքյանին ազատությունից զրկելու պատճառն այն է, որ ոստիկանները նրա մոտ հայտնաբերել էին 6,2 գրամ ափիոնանման զանգված:

Լուսանկարը՝ Գագիկ Շամշյանի