Երեկ Երևանի Կիևյան փողոցում կրակոցներ են հնչել: Հրազենային վնասվածքներով հիվանդանոց է տեղափոխվել «Ավանգարդ» տաքսի ծառայության տնօրեն Արթուր Ղալումյանը:

Լուրեր կան, թե կրակողը «Կյաժ Էդոյի» շրջապատից է: «Կյաժ Էդո» անունով հայտնի է Երևանի վարչական շրջաններից մեկի ղեկավարը: «ՀԺ»-ի տեղեկություններով` փորձ է արվում կրակողների գործողությունները ներկայացնել որպես ինքնապաշտպանություն:

Ուշագրավն այն է, որ «Կյաժ Էդոն» Երևանի քաղաքապետ Կարեն Կարապետյանի հովանավորյալներից է: Ուստի տեղի ունեցածը պետք է գնահատել ոչ թե «ռազբորկա» կամ «դվիժենի», այլ միայն ու միայն «դրայվ»: