ԲՀԿ հայտարարությունն այն մասին, որ իրենք բաց են քննարկումների համար և պատրաստ են իրենց առանցքի շուրջ համախմբվողներին ընդունել, «Հրապարակի» տեղեկություններով, հիմնականում ուղված է եղել Դաշնակցությանը: Այստեղ դեմ չեն գաղափարական առումով իրենց առավել մոտ կանգնած «հին ընկերներին» ընդգրկել իրենց ցուցակում՝ բնականաբար, ոչ առաջին տեղում և ոչ շատ մեծ քվոտայով, բայց պատրաստ են փոխզիջումների գնալ:

«Հրապարակի» տեղեկություններով՝ ՀՅԴ-ում քննարկել են ԲՀԿ-ի հետ միավորվելու հարցը և միանշանակ մերժել. ժողովուրդը չի հասկանա: Սակայն ՀՅԴ-ն էլ «դուռը բաց է պահում» հետընտրական քննարկումների և դաշինքի համար: Եթե ընդդիմադիր ուժերը, անգամ տարբեր ցուցակներով գնալու պարագայում, կարողանան ծանրակշիռ ձայներ ստանալ, իսկ ՀՀԿ-ն մեծամասնություն չկազմի, հնարավոր է՝ միավորվեն և քաղաքապետի իրենց կոնսենսուսային թեկնածուին անցկացնեն: