![](/static/articles/02/44/22/l-lFh9erKR4F.jpg)
«Ժողովուրդ». «Հնարավոր է` համագումարի համար հայրս և մայրս գան, բայց ոչ երբեք ֆինանսավորում կատարելու համար»
Թերթին տեղեկություններ են հասել, որ մոտ 9 օր հետո Հայաստան է ժամանելու «Ժառանգություն» կուսակցության առաջնորդ Րաֆֆի Հովհաննիսյանի հայրը` Ռիչարդ Հովհաննիսյանը: Իշխանական կուլիսներում անհանգստություն կա, թե Հովհաննիսյանի հայրը նրան նաև ֆինանսական աջակցություն ցուցաբերելու նպատակով է Հայաստան գալու:
Այս թեմայի շուրջ թերթը զրուցել է Ր. Հովհաննիսյանի հետ, որն ասել է. «Իմ ընտանիքը մշտապես մեզ զորակցել է, մշտապես մեր ընտանիքի կողքին է եղել, և ես շնորհակալ եմ նրանց դրա համար: Հնարավոր է` համագումարի համար հայրս և մայրս գան, բայց ոչ երբեք ֆինանսավորում կատարելու համար: Իրենք իրենց ամբողջ կյանքը նվիրել են ինձ ու մեր ընտանիքին: Մեր ամբողջ կյանքի ընթացքում մեր կողքին են եղել, , դա հերթական սուտն է: Խնդրում եմ, հղում կատարեք, թե որ տեղից եք այդ տեղեկությունները ստացել: Դրանք չճշտված լուրեր են»:
Մեկնաբանել