Քիչ առաջ ավարտվեց Լեւոն Արոնյան-Պյոտր Սվիդլեր մրցավեճը: 31-րդ քայլին մրցակիցները համաձայնեցին ոչ-ոքիի: Այսպիսով՝ Արոնյանը 3 միավորով շարունակում է գլխավորել շախմատի աշխարհի չեմպիոնի հավակնորդների մրցաշարային աղյուսակը: Ավարտված պարտիայից հետո Սվիդլերն ունի 2,5 միավոր եւ առայժմ երկրորդն է: 

Ընթացքի մեջ են 4-րդ տուրի Ռաջաբով-Կրամնիկ, Գելֆանդ-Իվանչուկ, Կառլսեն-Գրիշչուկ պարտիաները: Լեւոնին կարող է հավասարվել միայն Կառլսենը, եթե կոտրի Գրիշչուկի դիմադրությունը: 

Հիշեցնենք, որ ապրիլի 1-ին ավարտվող մրցաշարի հաղթողը իրավունք  կստանա աշխարհի թագը վիճարկել հնդիկ գրոսմայստեր, գործող չեմպիոն Վիշվանաթան Անանդի հետ: