«Սերժ Սարգսյանի համար իսկապես դժվար է պատկերացնել, թե ինչպես կարող է մարդը ութ օր սոված մնալ, դա նրա համար խելահեղության ամենամեծ օրինակն է»,- երեկ ԱԺ-ում լրագրողների հետ զրույցում հայտարարել է Նիկոլ Փաշինյանը:

Պատգամավորը արձագանքել է նախօրեին հայտնի ասուլիսում Սերժ Սարգսյանի խոսքերին: Վերջինս, պատասխանելով հարցին, թե ի վերջո ինքը գնալու է, թե ոչ Ազատության հրապարակ՝ Րաֆֆի Հովհաննիսյանի մոտ, ասել էր. «Գնամ ինչի՞ մասին բանակցեմ աշխարհի վրա դառնացած եւ արդեն 8 օրը լրացած սոված մարդու հետ»:

«Մարդը, որ իր հասարակական-քաղաքական գործունեության զգալի մասը ծախսել է ուտելու վրա, բնականաբար, պիտի զարմացած լինի, որ որեւէ մեկը ութ օր որեւէ բան չի ուտում: Եթե Սերժ Սարգսյանը ութ օր սոված մնար, այնքան չարացած կլիներ աշխարհի վրա, որ աշխարհը կործանելու օպերացիա կնախապատրաստեր»,- եզրափակել է Նիկոլ Փաշինյանը: