Արդեն տեղեկացրել ենք, որ երեկ շտապօգնության կայանից ոստիկանության Գյումրիի բաժնում հաղորդում էր ստացվել, որ Կոմինտերնի փողոցի 2-րդ նրբանցքի 13 տուն կանչով մեկնած բուժաշխատողների հետ նույն տան բնակիչները վիճաբանում են:

Մեկնած օպերատիվ խումբը նշված հասցեում հայտնաբերել էր շտապօգնության բրիգադի բուժաշխատող, 1946 թ. ծնված Աշոտ Գրիգորյանի դիակը` ճակատի և այտոսկրի աջ մասում քերծված վնասվածքի հետքով:

Ձեռնարկված միջոցառումներով պարզվել է, որ Աշոտ Գրիգորյանին ծեծել է վերը նշված հասցեի բնակիչ, 1983 թ. ծնված Արտակ Կարապետյանը:

«Արտակ Կարապետյանը ձերբակալված է: ՀՀ քրեական օրենսգրքի 104 հոդվածի (Սպանություն) հատկանիշներով հարուցված քրեական գործի նախաքննությունը շարունակվում է»,- հայտնում է ոստիկանությունը: