Մանվել Գրիգորյան Ընտրությունների ժամանակ եւ ընդհանրապես այն ընտրատեղամասերում, որտեղ այս պատգամավորի աշխատողները վերահսկողություն են իրականացնում, լինում են վեճեր ու ծեծկռտուքներ, օրինակ ինչպես եղել է 2012թ.-ի հուլիսին՝ ՏԻՄ ընտրությունների ժամանակ: Այդ մասին գրել է hayeli.am-ը: Մրգաշատում գործող գյուղապետ, ՀՀԿ անդամ Գևորգ Դանիելյանը ՀՀԿ-ական պատգամավոր Մանվել Գրիգորյանի հովանավորյալն է եւ ընտրությունների գիշերն էլ ըստ որոշ տեղեկությունների ծեծկռտուք է սարքել ձայների հաշվարկից հետո: hayeli.am-ին Մրգաշատ գյուղի մասին հայտնել են նաեւ, որ գիշերը նույն Մրգաշատում գեներալ ՀՀԿ-ական Մանվելը սարսափի մեջ է պահել գյուղացիներին եւ հատկապես Մրգաշատի գյուղապետին: Երկուստեք կրկին ծեծկռտուք է եղել, իսկ գեներալի մարդիկ գործող գյուղապետին մեսիջ են ուղարկել եւ հաթաթա տվել, թե ամեն կերպ կազմակերպի, որ վերջնահաշվարկի արդյունքում իր հովանավորյալը հաղթող ճանաչվի, այլապես հետեւանքները կարող են ծանր լինել: 2008 թ. Պաշտպանության նախկին նախարար գեներալ Մանվել Գրիգորյանի եւ նրա օգնականի նկատմամբ քրեական գործ է հարուցվել սպանության սպառնալիքի կասկածով: Ապրիլի 6-ին Արմավիա ընկերության ներկայացուցչական ծառայության պետ Արա Մարուքյանից ոստիկանության Վաղարշապատի բաժնում հաղորդագրություն է ստացվել այն մասին, որ Մանվել Գրիգորյանը եւ նրա օգնական Զոհրապ Գալստյանը նույն օրը զանգահարել եւ սպառնացել են իրեն, որ կսպանեն ինչպես իրեն, այնպես էլ իր ընտանիքի անդամներին: