«Գարնանն ընդառաջ» ծրագիրը և Հայաստանի թռչունների պահպանման միությունը հայտարարում են նկարչական մրցույթ դպրոցականների համար «Թռչունների միգրացիան» վերնագրով: Մասնակիցները պետք է նկարեն «Գարնանն ընդառաջի» 5 թռչնատեսակներից որևէ մեկին` սպիտակ արագիլ, գյուղական ծիծեռնակ, սև մանգաղաթև, սովորական կկու և ոսկեգույն մեղվակեր, միգրացիայի (չուի) ճանապարհին:

Նկարները կընդունվեն միայն այն դեպքում, երբ մասնակիցը իր առաջին թռչնային դիտարկումը կավելացնի www.springalive.net կայքում:

Գեղեցիկ և մրցունակ նկար ստեղծելու համար մասնակիցներից պահանջվում է`

• Նկարել գունավոր մատիտներով կամ ջրաներկով
• Նկարը պատկերել A4 կամ A3 չափի թղթի վրա
• Եվ նկարչական հմտություններին ավելացնել թռչնային գիտելիքները բովանդակալից նկարի ստանալու համար

Մրցույթը կմեկնարկի ապրիլի 1-ին` Թռչունների միջազգային օրը, իսկ արդյունքները կամփոփվեն հունիսի 15-ին: