ՀՀ գլխավոր դատախազություն «Հետքը» հարցում էր ուղարկել, թե արդյոք «Նաիրիտ գործարանի» վերաբերյալ մեր հրապարակումների հիման վրա քրեական գործ հարուցվել է, թե ոչ: ՀՀ գլխավոր դատախազության պետական շահերի պաշտպանության վարչությունը, ի պատասխան մեր հարցմանը, տեղեկացրել է, որ «Նաիրիտ գործարան» ՓԲԸ-ի ունեցած պարտավորությունների վերաբերյալ ՀՀ ֆինանսների նախարարության աշխատակազմի ներքին աուդիտի գնահատման և ֆինանսական վերահսկողության վարչության ստուգման ակտի հիման վրա նախապատրաստված նյութերն ուղարկվել են ոստիկանության կազմակերպված հանցավորության դեմ պայքարի վարչություն: 

Ոստիկանության լրատվության և հասարակայնության հետ կապերի վարչության աշխատակից Արմեն Մալխասյանը հայտնեց, որ «Նաիրիտի» նյութերը ոստիկանության կազմակերպված հանցավորության դեմ պայքարի վարչությունն այսօր է ստացել և դեռևս ուսումնասիրում են: