«Դպրոցները լուսանկարներում» խորագիրը կրող ցուցահանդեսի ժամանակ ներկայացվեցին Հայաստանի մարզերի անմխիթար շենքային պայմաններ ունեցող դպրոցների լուսանկարներ:

Ցուցահանդեսը կազմակերպած Հայաստանի Հելսինկյան կոմիտեի ներկայացուցիչների խոսքերով՝ նպատակը այդ դպրոցների հանդեպ պետական կառույցների, հասարակական կազմակերպությունների և քաղաքացիական հասարակության ուշադրության հրավիրումն է՝ ակնկալելով աջակցություն դպրոցների վերանորոգման, հարդարման աշխատանքներին:

Ցուցահանդեսում ներկայացվել են 26 դպրոցների լուսանկարներ Արագածոտնի, Գեղարքունիքի, Լոռու, Սյունիքի, Վայոց ձորի և Տավուշի մարզերից:

Դպրոցների լուսանկարների և տեղեկատվության հավաքագրմանն օժանդակել են կամավորներ, տարբեր ՀԿ-ների, դպրոցների ներկայացուցիչներ և այլ շահագրգիռ անձինք:

Լուսանկարները ներկայացված են նաև http://armhels.wordpress.com/ էլեկտրոնային հարթակում, որը ստեղծվել է «Ինտերնյուս» ՀԿ-ի ֆինանսավորմամբ: