Մարտի 28-ին Կանադայում ՀՀ դեսպան Արմեն Եգանյանը հանդիպեց Կանադայի քաղաքացիության, ներգաղթի և բազմամշակութայնության նախարար Ջեյսոն Քենիին: Հանդիպման ընթացքում քննարկվեցին հայ-կանադական երկկողմ հարաբերություններին և տնտեսական կապերին վերաբերող հարցեր:

Կողմերը կարևորեցին Կանադայի ներդրումների ծավալների ընդլայնումը Հայաստանում և շեշտեցին հայ-կանադական առևտրատնտեսական կապերը զարգացնելու անհրաժեշտությունը հանքարդյունաբերության ու բարձր տեխնոլոգիաների ոլորտներում: Այս մասին հայտնում է ՀՀ ԱԳՆ մամուլի, տեղեկատվության և հասարակայնության հետ կապի վարչությունը: