Տեսանյութեր
Լուսանկարներ
Դավիթաշենում ընթանում են համալիր բարեկարգման աշխատանքներ
Այսօր Երևանի քաղաքապետ Տարոն Մարգարյանը հետևել է Դավթաշեն վարչական շրջանի առաջին և երրորդ թաղամասերի բակային տարածքներում մեկնարկած համալիր բարեկարգման աշխատանքների ընթացքին:
Տարոն Մարգարյանի հանձնարարությամբ բարեկարգվող բոլոր տարածքները կապահովվեն նաև ոռոգման նոր ցանցով՝ ստեղծվող կանաչ տարածքները պատշաճ խնամելու համար:
Շրջայցի շրջանակում քաղաքապետը հետևել է նաև Դավթաշենի առաջին թաղամասի 45 շենքի բակում ընթացող ֆուտբոլի նոր փոքր խաղադաշտի կառուցման աշխատանքներին: Անհրաժեշտ բոլոր պայմաններով ապահովված խաղադաշտն ամռանը շահագործման կհանձնվի:
Դավթաշենցիներն ասել են, որ արդեն ամռանը երեխաների հետ միասին կկարողանան լիարժեք հանգստանալ իրենց բակերում: Տարոն Մարգարյանն էլ պատասխանատուներին հանձնարարել է իրականացվող աշխատանքներն ավարտել սահմանված ժամկետներում: Այս մասին հայտնում է Երևանի քաղաքապետարանի տեղեկատվության և հասարակայնության հետ կապերի վարչությունը:
Մեկնաբանություններ (1)
Մեկնաբանել