2013 թվականի ծրագրերով Երևանում իրականացվելու են 2.5 միլիոն քառ. մետր ասֆալտապատման աշխատանքներ, այդ թվում՝ շուրջ 300 փողոցի ընթացիկ և 30 փողոցի կապիտալ վերանորոգում և ասֆալտապատում: Այս մասին հայտնել է Երևանի քաղաքապետ Տարոն Մարգարյանը այսօր քաղաքապետարանում անցկացված աշխատանքային հերթական խորհրդակցության ժամանակ:

«Պետք է բացառել անորակ աշխատանքը»,- ասել է Տարոն Մարգարյանը:

Խորհրդակցության ժամանակ հանձնարարվել է ասֆալտապատում իրականացրած կազմակերպությունների միջոցներով կարճ ժամկետում վերցնել 2012 թ. կապիտալ շինարարության ծրագրով կատարված ասֆալտապատման աշխատանքներում որակի առումով տեղ գտած թերությունները: Այս մասին հայտնում է Երևանի քաղաքապետարանի տեղեկատվության և հասարակայնության հետ կապերի վարչությունը: