Երեկ 2,5 ժամ տևած «Ժառանգության» շտաբի նիստի ընթացքում ժառանգականներն այդպես էլ չեն հասկացել, թե Րաֆֆին ինչ է անելու այսօր, և եզրակացրել են, որ ծրագիրը կախված է նրանից, թե որքան մարդ կհավաքվի:

Նախատեսված է 10 հազար Սահմանադրություն բաժանել ժողովրդին: Րաֆֆին դեռ չգիտի` ինքը մենա՞կ կերդվի Սահմանադրության վրա, թե՞ ժողովուրդն էլ իր հետ: Նա ասել է, որ առավոտյան կարթնանա ու որդու` Կարինի հետ որոշում կկայացնի: Եվ Րաֆֆին, և Ռուբեն Հակոբյանը կրկին զգուշացրել են, որ պետք է շատ ուշադիր լինել, որ սադրանքներ չլինեն: