Սերժ Սարգսյանի երդմնակալության արարողությանը մասնակցել են նրա եղբայրները՝ Սաշիկ Սարգսյանը, Լեւոն Սարգսյանը, մյուս Լեւոն Սարգսյանը՝ Ալրաղացի Լյովը, Բարսեղ Բեգլարյանը՝ Ֆլեշ Բարսեղը, եւ այլք: 

«ՉԻ»- Թե ինչ կարգավիճակով են երդմնակալությանը մասնակցել այս հարգարժան պարոնները, մնում է անհայտ: Կարելի է ենթադրել, որ այս մարդիկ մասնակցել են «շեֆի մոտիկների» ցուցակով, որտեղ ներգրավված են եղել բոլոր նրանք, ովքեր ժամանակին ծառայություններ են մատուցել Սերժ Սարգսյանին: Այս դեպքում էլ, սակայն, հարց է ծագում, թե ինչու՞ ԱԺ հատուկ նիստին չեն մասնակցել, օրինակ, Յոնջլախցի Կուկուն, Կռիվոյի Քինդիլը, Չարբախցի Կվալդիկը, Մանումենտցի Գոնչը եւ Ցիրկի Պուպուզը: Սա, Համաձայնվեք, լուրջ անարդարություն է եւ ստվեր է նետում Սերժ Սարգսյանի երդմնակալության վրա: Կարծում ենք՝ նախագահի արարողակարգի ծառյայությունը հընթացս լուրջ հետեւություններ կանի եւ հայ ժողովրդի վերոհիշյալ արժանավոր զավակներին անպայման կհրավիրի մասնակցելու տոնական ճաշկերույթին: Վերջին հաշվով՝ մի քանի շաբաթ անց ընտրություններ են: