ԱԺ նախագահ Հովիկ Աբրահամյանը երեկ՝ ՀՀԿ գործադիր մարմնի նիստից հետո, լրագրողների հետ զրույցում, ըստ էության, հաստատել է տեղեկություններն այն մասին, որ կազմակերպել է Սերժ Սարգսյանի և Գագիկ Ծառուկյանի հանդիպումը, որը, ըստ մամուլի հրապարակումների, տեղի է ունեցել Սերժ Սարգսյանի ինաուգուրացիայից հետո:

«Ինչքան լավ բաներ կան, ես եմ կազմակերպում: Դուք հիմա հավատո՞ւմ եք: Ես հիմա հավատում եմ և հորդորում, որ դուք էլ հավատաք»,- ասել է Աբրահամյանը, երբ լրագրողները փորձել են ճշտել վերոնշյալ լուրերը: