Հունիսի 28-ին պետական բյուջեի ֆինանսավորմամբ և «Զբաղվածության պետական ծառայության» գործակալության նախաձեռնությամբ Հրազդան քաղաքում տեղի ունեցավ աշխատանքի տոնավաճառ, որին մասնակցում էր 40 գործատու:

Աշխատանքի տոնավաճառին մասնակցում էր նաև Կոտայքի մարզպետ Կովալենկո Շահգալդյանը,    «Զբաղվածության պետական ծառայության» գործակալության պետ Սոնա Հարությունյանը,  Հրազդանի զբաղվածության մարզային կենտրոնի տնօրեն Հարություն Խաչատրյանը և աշխատանք փնտրողներ: 

Թեմայի շուրջ զրուցեցինք Հրազդանի զբաղվածության մարզային կենտրոնի տնօրեն Հարություն Խաչատրյանի հետ:  

Ի՞նչ նպատակ է հետապնդում կազմակերպված աշխատանքի տոնավաճառը:

Աշխատանքի տոնավաճառը մի միջոցառում է, որտեղ հավաքվում են գործատուներ և աշխատանք փնտրողներ: 1-օրյա միջոցառում է, անցկացվում է տարվա մեջ 1 կամ մի քանի ամգամ:  Այստեղ աշխատանք փնտրողները, առանց զբաղվածության կենտրոնների միջնորդությամբ, հանդիպում են գործատուին: Տոնավաճառին մասնակցում էին 40 գործատուներ և կար 106 թափուր աշխատատեղ:

Որքա՞ն աշխատանք փնրողներ են այսօր աշխատանք գտել: 

Անմիջապես հնարավոր չէ ունենալ տվյալնել, մենք պետք է զանգահարենք գործատուներին, ճշտենք: Մոտ մեկ շաբաթվա ընթացքում, կարող ենք ասել,  թե որքան աշխատանք փնրողներ են  աշխատանքի տեղավորվել:

Այսօր գործազրկությունն անցյալ տարվա համեմատ ի՞նչ մակարդակի վրա է:

Կոտայքի մարզի զբաղվածության կենտրոններում հաշվառված է 8004 աշխատանք փնտրող, դրանցից  գործազուրկի կարգավիճակ է ստացել  6937-ը: Նպաստառու է 1848-ը, որից 1700-ը` կին: Այս տարի աշխատանքի ենք ընդունել 382 քաղաքացիների: Անցած տարվա համեմատ գործազրկությունը նվազել է: 

Նելլի Կարապետյան